ჩემი აზრით, ასოცირებულ ტრიოში საქართველო მაინც უფრო მოწინავე ქვეყანაა, თუნდაც ასოცირების დღის წესრიგის შეთანხმების თვალსაზრისით, – ამის შესახებ პარტია „მოქალაქეების“ ერთ-ერთმა ლიდერმა, ლევან იოსელიანმა „ქრონიკაში“ განაცხადა.
მისი თქმით, თუ ევროკავშირში გადაწყვეტილება პოლიტიკური ნიშნით უნდა იყოს მიღებული, საქართველოს ამ კონტექსტიდან ამოგდება უსამართლობა იქნება.
„დღეს ჩვენ გვაქვს აბსოლუტურად არაორდინალური სიტუაცია, როდესაც გაჩნდა შესაძლებლობა, რომ პოლიტიკური გადაწყვეტილება იქნას მიღებული ამ სამი ქვეყნის მიმართ უკრაინის გამო და ეს პოლიტიკური გადაწყვეტილება თავის თავში მოიაზრებს ასევე შესაძლებლობას, რომ თვალი იქნას დახუჭული იმ შეუმდგარ რეფორმებზე, დემოკრატიის იმ დაბალ სტანდარტზე, რაც სამივე ქვეყნას მეტ-ნაკლებად ახასიათებს
ჩემი აზრით, სამივე ქვეყანაში საქართველო მაინც უფრო მოწინავე ქვეყანაა, თუნდაც ასოცირების დღის წესრიგის შეთანხმების თვალსაზრისით და ამიტომ თუ გადაწყვეტილება პოლიტიკური ნიშნით უნდა იყოს მიღებული, საქართველოს ამ კონტექსტიდან ამოგდება იქნება უსამართლობა, მათ შორის იმის გათვალისწინებით, რა განწყობაც არის ჩვენ ქვეყანაში“, – განაცხადა ლევან იოსელიანმა.