აშშ-მა ახლო აღმოსავლეთის რამდენიმე ქვეყნიდან სამხედროებისა და შეიარაღების ნაწილის გამოყვანა დაიწყო

146
წაკითხვა/ნახვა
IMG.GE

ჯო ბაიდენის ადმინისტრაციამ ახლო აღმოსავლეთის რამდენიმე ქვეყნიდან ამერიკელი სამხედროებისა და შეიარაღების ნაწილის გამოყვანა დაიწყო. ამის შესახებ CNN-ი წერს.

ტელეკომპანიის წყაროების განცხადებით, აშშ საზენიტო–სარაკეტო კომპლექს Patriot-ის 8 ბატარეას ერაყიდან, ქუვეითიდან, იორდანიიდან და საუდის არაბეთიდან გაიყვანს. გარდა ამისა, საუდის არაბეთს დატოვებს რაკეტსაწინააღმდეგო თავდაცვის ამერიკული სისტემა THAAD-ი. რეგიონს ტოვებს სამხედრო თვითმფრინავების ნაწილი და „ასობით ამერიკელი სამხედრო“.

„ბაიდენის ადმინისტრაცია მკვეთრად შეამცირებს ახლო აღმოსავლეთში ამერიკული რაკეტსაწინააღმდეგო სისტემების რაოდენობას, რაც რეგიონში სამხედრო წარმომადგენლობის სერიოზულ ცვლილებას ისახავს მიზნად, კერძოდ კი, ახლა სამხედრო ძალები ჩინეთისა და რუსეთის მხრიდან გამოწვევებზე საპასუხოდ იქნება ორიენტირებული“, – წერს CNN-ი.

კომენტარები
IMG.GE
მოწონება