რუსეთის პრეზიდენტმა ვლადიმერ პუტინმა გააფრთხილა საფრანგეთის პრეზიდენტი ემანუელ მაკრონი და გერმანიის კანცლერი ოლაფ შოლცი უკრაინისთვის იარაღის გაზრდილი რაოდენობით მიწოდების გამო და განაცხადა, რომ ამან შეიძლება შემდგომი დესტაბილიზაცია გამოიწვიოს, – წერს Al Jazeera.
კრემლის ინფორმაციით, პუტინმა მაკრონსა და შოლცს განუცხადა, რომ უკრაინისთვის იარაღის მიწოდების გაგრძელება „საშიშია“ და ისინი გააფრთხილა „სიტუაციის შემდგომი დესტაბილიზაციისა და ჰუმანიტარული კრიზისის გამწვავების რისკებზე“.
გერმანიის კანცლერის სპიკერის თქმით, 80-წუთიანი სამმხრივი საუბრის დროს, მაკრონმა და შოლცმა მოითხოვეს ცეცხლის დაუყოვნებლივ შეწყვეტა უკრაინაში და ქვეყნიდან რუსული ჯარების გაყვანა. ევროპელმა ლიდერებმა ასევე მოუწოდეს პუტინს, ჩაერთოს სერიოზულ და პირდაპირ მოლაპარაკებებში უკრაინის პრეზიდენტთან, ვოლოდიმირ ზელენსკისთან.