პეტრო პოროშენკოს პარტია „ევროპულ სოლიდარობაში“ აცხადებენ, რომ ექსპრეზიდენტი უკრაინელმა მესაზღვრეებმა სამსახურებრივ მივლინებაში არ გაუშვეს.
როგორც „ევროპული სოლიდარობის“ განცხადებაშია ნათქვამი, 29-30 მაისს პეტრო პოროშენკოს, ლიეტუვის დედაქალაქ ვილნიუსში, უკრაინის საპარლამენტო დელეგაციის შემადგენლობაში მონაწილეობა უნდა მიეღო ნატოს საპარლამენტო ასამბლეის ყოველწლიურ სხდომაში.
პოროშენკოს თანაპარტიელი ირინა გერაშჩენკო აცხადებს, რომ მესაზღვრეებმა უარის თქმის მიზეზად ხელმძღვანელობისგან მიღებული განკარგულება დაასახელეს. პარტიაში ასევე აცხადებენ, რომ მათ აქვს პარლამენტის თავმჯდომარის, რუსლან სტეფანჩუკის მიერ ხელმოწერილი დოკუმენტი პოროშენკოს მივლინებაში გამგზავრების შესახებ.
პეტრო პოროშენკო უკრაინაში ტერორისტული ორგანიზაციების საქმიანობის ხელშეწყობასა და სახელმწიფო ღალატშია ეჭვმიტანილი. სასამართლომ უკრაინის ექსპრზიდენტი პირადი თავდებობით გაათავისუფლა და პირველი მოთხოვნისთანავე პროცესზე ან დაკითხვაზე გამოცხადების ვალდებულება დაუწესა.