დღეს 26 მაისს, საქართველოს დამოუკიდებლობის დღის აღსანიშნავად, ახმეტაში სხვადასხვა სახის ღონისძიებები გაიმართა.
სოფელ მატანში, ჩოლოყაშვილების ციხე-გალავანში საქართველოს თავდაცვის სამინისტროს მე-4 მექანიზირებული ბრიგადის წვევამდელებმა სამხედრო ფიცი დადეს.ფიცის დადების ცერემონიალს ახმეტის მუნიციპალიტეტის მერი ალექსი ფიცხელაური, ვეტერანების საქმეთა სახელმწიფო სამსახურის დირექტორის პირველი მოადგილე ნიკოლოზ კვეზერელი, თავდაცვის სამინისტროს წარმომადგენლები და ადგილობრივი ხელისუფლების სხვა წარმომადგენლები ესწრებოდნენ.ღონისძიების დაწყებამდე ალექსი ფიცხელაურმა და ნიკოლოზ კვეზერელმა სოფ.ქვემო ალვანში გიორგი ანწუხელიძის მემორიალი გვირგვინით შეამკეს, რომლის შემდეგაც საზეიმოდ გახსნეს ქალაქ ახმეტაში შინმოუსვლელთა სკვერი და საქართველოს ტერიტორიული მთლიანობისათვის დაღუპული გმირების მემორიალები ყვავილებით შეამკეს.
ახლად გახსნილ შინმოუსვლელთა სკვერში გაიმართა სხვადასხვა სპორტული და კულტურული ღონისძიება, მოეწყო ადგილობრივი მეწარმეებისგან წარმოებული პროდუქციის გამოფენა-გაყიდვა.
გაიმართა კონცერტი ადგილობრივი მომღერლებისა და ფოლკლორულ- ქორეოგრაფიული ანსამბლების მონაწილეობით, რომელიც მოწვეულმა ჯგუფმა “იბერიამ” დაასრულა.
ჯანდაცვის სისტემის განვითარება განსაკუთრებული პრიორიტეტია, ასევე სერიოზული ინვესტიციები ჩაიდება მულტიფუნქციური სპორტული...