“ევროკომისიის პრეზიდენტი ურსულა ფონ დერ ლაიენი უცხოურ ჩარევებს საარჩევნო კამპანიის მთავარ საკვანძო საკითხად აქცევს, რაც ქმნის ვალდებულებას, ევროკავშირის წევრი სუვერენული სახელმწიფოები დაცული იყოს გარე ჩარევებისაგან,” – ამის შესახებ “ხალხის ძალის” წევრი, თამთა მეგრელიშვილი სოციალურ ქსელში წერს.
მისი განცხადებით, ამგვარი მიდგომის გამოყენების სამართლიანი უფლება აქვს ქართულ სახელმწიფოს და ის ამას გამოიყენებს. შესაბამისად, მეგრელიშვილის თქმით, დროის ფუჭი ხარჯვაა “გამჭვირვალობის კანონის” შინაარსში გაუთვითცნობიერებელი ახალგაზრდების ყიჟინა და ორმაგი სტანდარტით მოქმედი დაუძინებელი მეგობრების მიერ ქართული სახელმწიფოს შანტაჟი.
“ევროკომისიის პრეზიდენტი ურსულა ფონ დერ ლაიენი უცხოურ ჩარევებს საარჩევნო კამპანიის მთავარ საკვანძო საკითხად აქცევს, რაც ქმნის ვალდებულებას, ევროკავშირის წევრი სუვერენული სახელმწიფოები დაცული იყოს გარე ჩარევებისაგან.
ქვეყნის სუვერენიტეტი მის სრულ დამოუკიდებლობას ნიშნავს, ეს სამართლებრივი და სახელმწიფოებრივი სტანდარტი არის განვითარებული, სახელმწიფოებრივად მოაზროვნე ხალხის მოთხოვნა და სხვა სახელმწიფოებთან ურთიერთობის საუკეთესო სტანდარტი.
სტანდარტი, რომლის ისტორიული და კულტურული გამოყენების სამართლიანი უფლება აქვს ქართულ სახელმწიფოს და ის ამას გამოიყენებს. შესაბამისად მხოლოდ დროის ფუჭი ხარჯვაა “გამჭვირვალობის” კანონის შინაარსში გაუთვითცნობიერებელი ახალგაზრდების “თავისუფალი” ყიჟინა და ორმაგი სტანდარტით მოქმედი დაუძინებელი მეგობრების მიერ ქართული სახელმწიფოს შანტაჟი. მეგობრებო, ფრთხილად! ქართულ სახელმწიფოში მოქმედებს ეროვნულობის, ღირსების, კულტურული ღირებულებებისა და რწმენის სხვა სტანდარტი.” – წერს მეგრელიშვილი.