აქცია ვერ აღწევს კულმინაციას, ძირითად შედეგს, რისთვისაც არის მოწოდებული და აქედან გამომდინარე დაიწყეს ახლა აკერმანის დღის წესრიგის ყველაზე უფრო მნიშვნელოვან ნაწილზე საუბარი, ფატალური შედეგის დადგომასთან დაკავშირებით, – ამის შესახებ ამის შესახებ საპარლამენტო უმრავლესობის წევრმა, ირაკლი ქადაგიშვილმა „ნაციონალური მოძრაობის“ წევრის, ზურაბ ჭიაბერაშვილის განცხადებასთან დაკავშირებით განაცხადა.
ქადაგიშვილის თქმით, ყველაფერი გაშიფრულია და სახელმწიფო და მისი სამართალდამცავი ორგანოები ყველაფერს აკეთებენ იმისათვის, რომ აქციები იყოს მშვიდობიანი და არ გამოვიდეს კანონიერი ფორმიდან.
„გაშიფრულია, რა თქმა უნდა, ეს ყველაფერი. პასუხისმგებლობა, ჯერ მარტო განცხადებისათვის უკვე მათ ეკისრებათ შედეგებთან დაკავშირებით. სახელმწიფო და მისი სამართალდამცავი ორგანოები ყველაფერს აკეთებენ იმისათვის, რომ აქციები იყოს მშვიდობიანი, არ გამოვიდეს ის კანონიერ ფორმიდან და აქციის მონაწილეების უსაფრთხოება იყოს დაცული“, – განაცხადა ირაკლი ქადაგიშვილმა.
„ნაციონალური მოძრაობის“ წევრმა, ზურაბ ჭიაბერაშვილმა „ფორმულას“ ეთერში განაცხადა: „ძალიან დიდ ბეწვის ხიდზე გავდივართ, რადგან, ღმერთმა დაიფაროს და, რაიმე ტიპის ფატალური შემთხვევა და არავინ იცის, რა სახეს მიიღებს ის მოვლენები, რაც ჩვენს ქვეყანაშია“.
იხილეთ ვიდეო: