მიხეილ სარჯველაძეს აქვს ყველა ის თვისება, რომელიც საჭიროა ჯანდაცვის სამინისტროს წინაშე არსებულ გამოწვევებთან გასამკლავებლად, – ამის შესახებ პრემიერ-მინისტრმა ირაკლი კობახიძემ განაცხადა.
„ჯანდაცვის სამინისტროს წინაშე არის ბევრი გამოწვევა. პირველ რიგში ძალიან მნიშვნელოვანია, რომ ნებისმიერი გადაწყვეტილება იყოს მიღებული მჭიდრო თანამშრომლობისა და დარგის წარმომადგენლებთან კონსულტაციების საფუძველზე. ეს არის სამედიცინო საზოგადოება, ესენი არიან დევნილები, ადამიანები, რომლებთანაც დაკავშირებულია სოციალური დახმარების სისტემა და ეს არის ძალიან მნიშვნელოვანი, რომ იყოს თანამშრომლობა, კომუნიკაცია და იყოს ეფექტიანი მენეჯმენტი. ბატონ მიხეილ სარჯველაძეს აქვს ყველა ის თვისება, რომელიც საჭიროა ამ გამოწვევებთან გასამკლავებლად. აქედან გამომდინარე, კიდევ ერთხელ გამოვთქვამ ჩემს რწმენას, რომ ბატონი მიხეილი იქნება საუკეთესო მინისტრი და ღირსეულად დაიკავებს ამ თანამდებობას“, – აღნიშნა პრემიერმა.