ჩვენთვის დეზინფორმაცია ვერ იქნება ის, რომ ზურაბ ადეიშვილი, რომელიც ვიხილეთ შეხვედრაზე, არის შემოქმედი იმ რეჟიმის, რომელიც საქართველოში მიმართული იყო ადამიანის უფლებების ტოტალიტარულად დარღვევისკენ, – ამის შესახებ პარლამენტის ევროინტეგრაციის კომიტეტის თავმჯდომარემ, მაკა ბოჭორიშვილმა განაცხადა.
„ჩვენთვის დეზინფორმაცია ვერ იქნება ის, რაც გავრცელდა ევროკავშირის ინსტიტუტების წარმომადგენლების მხრიდან და ვერც ის, რომ ადამიანი, რომელიც ვიხილეთ შეხვედრაზე, არის შემოქმედი იმ რეჟიმის, რომელიც საქართველოში მიმართული იყო ადამიანის უფლებების ტოტალიტარულად დარღვევისკენ. ჩვენთვის ძალიან მნიშვნელოვანია ევროკავშირთან ურთიერთობები, ის იდეები და პრინციპები, რაზედაც დგას ევროკავშირი და ის ვერ იქნება ადამიანის უფლებების დამრღვევების და მჩაგვრელების ხელშემწყობი“, – აღნიშნა ბოჭორიშვილმა.