IMG.GE IMG.GE

„ნაცმოძრაობა“ იმდენად ვერ იტანს განსხვავებულ და რაც მთავარია, მართალ აზრს, რომ ევროკავშირის წამყვან სახელმწიფოზე – გერმანიასა და მის ელჩზე მიიტანეს იერიში“, – ამის შესახებ იურიდიული კომიტეტის თავმჯდომარემ ანრი ოხანაშვილმა Facebook-ზე გამოქვეყნებულ პოსტში განაცხადა.

მისი განცხადებით, „ნაციონალური მოძრაობა“ აღშფოთებულია, როგორ გაბედა გერმანიის ელჩმა ბატონმა ჰუბერტ ქნირშმა და როგორ თქვა სიმართლე, რომ 8 მარტის შეთანხმება მხოლოდ საკონსტიტუციო ცვლილებებს და არა ვინმე რურუას ეხებოდა.

„როგორ მარტივად აეხდება ხოლმე ფარდა ამ დანაშაულებრივი ორგანიზაციის “პროდასავლურობას“.

გუშინ დღიდან მოყოლებული ცდილობენ, გერმანიის დისკრედიტაცია მოახდინონ, რომელსაც უდიდესი პოლიტიკურ-სამართლებრივი წვლილი აქვს შეტანილი ჩვენი სახელმწიფოებრიობის ისტორიაში.

გერმანიის როლი განსაკუთრებულია ჩვენი ქვეყნის დემოკრატიისა და სამართლებრივი სახელმწიფოს განმტკიცებაში, გერმანია მხარდაჭერას გამოხატავს განათლების სფეროში ჩვენი ახალგაზრდებისა და პროფესორ-მასწავლებლებისთვის, დიდია მხარდაჭერა ეკონომიკისა და თავდაცვის მიმართულებით, პანდემიის დროსაც კი არ შეუწყვეტიათ გერმანიას და მის ელჩს საქართველოში სპეციალური ტექნიკით მომარაგება, რომელიც ვირუსთან ბრძოლაში აქტიურად გამოიყენეს ჩვენმა ჯარისკაცებმა.

ოქტომბრის არჩევნების შემდეგ, როდესაც ჩვენი საზოგადოების მხარდაჭერით დამაჯერებლად გაიმარჯვებს „ქართული ოცნება“, რასაც გვჯერა, რომ ჩვენი სტრატეგიული პარტნიორები, აშშ და ევროკავშირი, დემოკრატიულ არჩევნებად შეაფასებენ, უკვე ველოდებით დანაშაულებრივი-ნაც-ორგანიზაციის მიერ ჩვენს სტრატეგიულ პარტნიორებზე იერიშის მიტანას და საკუთარი “პროდასავლური“ სახის ბოლომდე გაშიშვლებას“, – წერს ანრი ოხანაშვილი.

სალომე სამადაშვილის თქმით, გერმანიის ელჩმა რამდენჯერმე, გარკვეულწილად დიპლომატიური შეცდომა დაუშვა.

გუშინ გერმანიის ელჩმა განაცხადა, რომ 8 მარტის შეთანხმების საგანი გიორგი რურუას გათავისუფლება არ ყოფილა, რასაც ოპოზიციის წარმომადგენელთა კრიტიკული განცხადებები მოჰყვა.

კომენტარის დატოვება
IMG.GE