ნიკა გვარამიას აღარ აქვს მოლოდინი, რომ ნაც.მოძრაობა იმავე რაოდენობის ხმებს მიიღებს, რასაც გასულ არჩევნებზე. ამის შესახებ მან 20 თებერვალს, ტვ “პირველი”-ს ეთერში ისაუბრა.
“მე ნაციონალური მოძრაობის ჯამს ასე ოპტიმისტურად აღარ ვუყურებ, როგორც ეს აქამდე იყო, მე მგონია, რომ დაახლოებით ნახევარს აიღებს ეს პარტია, რაც ასევე პრობლემატურია იმიტომ, რომ კარგი არ არის მათი პრობლემები, რადგან საერთო საქმისთვის არის ცუდი, ეს არის ოპოზიციის მნიშვნელოვანი ყულაბა, რომელიც კარგია რომ შეივსოს ხმებით, მაგრამ რასაც მე ვხედავ, ჯერჯერობით ეს თეორიულადაც არ არის შესაძლებელი”– განაცხადა ნიკა გვარამიამ.
მას არ აქვს მოლოდინი, რომ პარტია 27 პროცენტს აიღებს, როგორც ეს წინა არჩევნებზე მოხდა.
წამყვანის კითხვაზე, თუ რა არ მოსწონს მას ნაციონალური მოძრაობის, ნიკა გვარამიამ უპასუხა, რომ არაფერი არ მოსწონს, გარდა საგარეო პოლიტიკური ვექტორისა.