მიმდინარე წლის აპრილისთვის ეკა ბესელია ახალ პოლიტიკურ გაერთიანებას აანონსებს და ამბობს, რომ ცალკეულ ოპოზიციურ პარტიებთან აწარმოებს მოლაპარაკებებს. ამის შესახებ მან 20 თებერვალს, ტვ პირველის ეთერში განაცხადა.
კითხვაზე, თუ ვინ არიან ის ოპოზიციური პარტიები, ეკა ბესელიამ ერთ-ერთ ასეთ ფიგურად გიორგი გახარია დაასახელა. ასევე, მან თქვა, რომ პრეზიდენტსაც ესაუბრება.
“მაქსიმუმ 4 პარტია დამრჩა, ვისთანაც არ მქონია საუბრები, დანარჩენთან თითქმის ინტენსიურად ვსაუბრობ – ვსაუბრობ გიორგი გახარიასთან, პრეზიდენტთან ზოგადად პოლიტიკურ სურათზე, ვსაუბრობ სხვა პარტიებთანაც იმისთვის, რომ ლოგიკური დაჯგუფების უფრო გასაგები ფორმატი შეიქმნას”- განაცხადა ეკა ბესელიამ.
მისივე თქმით, ყველაზე მეტ დროს ახალგაზრდა თაობას უთმობს, რომლებიც მზად არიან პოლიტიკურ პროცესში შემოსასვლელად.