ხელვაჩაურის მუნიციპალიტეტის მერი ზაზა დიასამიძე სომხეთის ახალდანიშნულ გენერალურ კონსულს, ნარინე მათოსიანს შეხვდა.
დიპლომატს ბათუმში დიპლომატიური მისიის დაწყება მიულოცა და წარმატებები უსურვა მომავალ საქმიანობაში. მერმა, ელჩს მუნიციპალიტეტში განხორციელებული, მიმდინარე და დაგეგმილი პროექტების შესახებ ინფორმაცია გააცნო.
გაცნობითი ხასიათის შეხვედრაზე ხაზი გაესვა ორ ქვეყანას შორის არსებულ მჭიდრო თანამშრომლობას, რაც ქვეყნის განვითარებასა და რეფორმების წარმატებულ განხორციელებას უწყობს ხელს.
შეხვედრაზე, ხელვაჩაურის მუნიციპალიტეტის დამეგობრებისა და მუნიციპალიტეტებს შორის, სხვადასხვა სფეროში ურთიერთანამშრომლობის საკითხზე, ერთობლივად განხორციელებულ პროექტებსა და სამომავლო გეგმებზეც ისაუბრეს.
შეხვედრას ადმინისტრაციული სამსახურის ხელმძღვანელი თეიმურაზ გაწერელია და მოადგილე ნონა ქოქოლაძე ესწრებოდნენ.