წყალტუბოს გენგეგმა არის დასრულებული. ჩვენ ეს დოკუმენტი დავამტკიცეთ და გვაქვს კარგად გააზრებული ხედვა, თუ როგორი უნდა იყოს ხვალინდელი დღის წყალტუბო, – ამის შესახებ ჟურნალისტებს პრემიერ-მინისტრმა, ირაკლი ღარიბაშვილმა განუცხადა.
„მთავარი პრობლემა იყო ის, რომ წყალტუბოს მთავარი სიმდიდრე – წყალი იყო კერძო საკუთრებაში. სააკაშვილის დროს წყალტუბოს წყალი გასხვისდა კერძო ბიზნესმენზე. ამიტომ შეუძლებელი იყო იქ რაიმე ინვესტიციების ჩადება. თუ წყალი არ არის ხელმისაწვდომი ბიზნესმენებისთვის, როგორ შეიძლებოდა იქ განვითარება. ჩვენ დეკემბერში მოველაპარაკეთ ინვესტორს და სახელმწიფომ გამოისყიდა დაახლოებით 8 მილიონ დოლარად ეს სიმდიდრე. დაახლოებით მაისში გამოვაცხადებთ ტენდერს ამ დასრულებული გენგეგმის ფარგლებში, გამოგვაქვს სასტუმროები სარეალიზაციოდ და დიდი მოლოდინი გვაქვს, რომ ბევრი ინვესტორი მიიღებს მონაწილეობას. წყალტუბო უნდა გახდეს ერთ-ერთი სამაგალითო ადგილი არა მხოლოდ საქართველოში, არამედ რეგიონში“, – აცხადებს ღარიბაშვილი.