ზურა ჯაფარიძე აღიარებს, რომ ვერ ქმნიან პოლიტიკურ დღის წესრიგს. ამის შესახებ მან 13 ოქტომბერს, ტვ “პირველის’ ეთერში სტუმრობისას განაცხადა, როდესაც უპასუხა წამყვან ანუნა ახალაიას კითხვას იმაზე, ქმნის თუ არა ხელისუფლება დღის წესრიგს და რატომ ვერ ახერხებს ამას ოპოზიცია.
“ფაქტია, რომ ხელისუფლება ქმნის დღის წესრიგს უმეტესწილად. ამაში, არ მგონია, რომ რამე იყოს გასაკვირი და ამ ნაწილში ოპოზიციურ მედიას არანაირად არ ვადანაშაულებ. ასეთი ტიპის მმართველობის ქვეყნებში ხელისუფლება ქმნის პოლიტიკურ დღის წესრიგს და ყველგან პრობლემა არის, რომ ოპოზიციამ შექმნას პოლიტიკური დღის წესრიგი, ამას აქვს ახსნა, რადგან ხელისიფლების ხელშია უამრავი რესურსი და უამრავი ბერკეტი, შეუძლიათ ისეთი რაღაცები აკეთონ, რასაც ფიზიკურად ვერ გააკეთებს”– თქვა ჯაფარიძემ.