რომელი კომპანიები დანერგავენ მეხუთე თაობის მობილურ ინტერნეტს საქართველოში, დღეს გახდება ცნობილი. განაცხადების მიღება 18:00 საათზე სრულდება. კომუნიკაციების კომისიამ მე-5 თაობის ინტერნეტის დასანერგად აუქციონი 6 ივლისს 24 ლოტზე გამოაცხადა.
კომისია განმარტავს, რომ უსადენო ახალი თაობის ინტერნეტ ტექნოლოგია მნიშვნელოვნად გაზრდის მობილური ინტერნეტის სიჩქარეს და საკომუნიკაციო სექტორთან ერთად, სრულიად ახალ საფეხურზე გადაიყვანს ისეთ უმნიშვნელოვანეს დარგებს, როგორიცაა: ჯანდაცვა, განათლება, ბიზნესი, სოფლის მეურნეობა და ინფრასტრუქტურა.