ოზურგეთში ზაზა ფაჩულიას სახელობის საკალათბურთო მოედანი გაიხსნა. ღონისძიებას ამერიკის ელჩი კელი დეგნანი დაესწრო.
„ეს პროექტი „გალფის“ სპონსორობით ხორციელდება. ჩემს უკან ახლა კალათბურთის გულშემატკივრებს ხედავთ. ეს საზოგადოებისთვის ძალიან კარგი რამ არის და მოხარული ვარ აქ ყოფნით“, – განაცხადა დეგნანმა.
ღონისძიებას ესწრებოდა ზაზა ფაჩულიაც. მისი თქმით, ქვეყნის მასშტაბით დაგეგმილია 20-მდე საკალათბურთო მოედნის გახსნა.
„ჯანსაღი ცხოვრება ძალიან მნიშვნელოვანია ჩვენი ქვეყნისთვის, რის გარშემოც შევიკრიბეთ „გალფთან“ ერთად და გადავწყვიტეთ საქართველოს მასშტაბით 20-მდე მოედანი გაგვეხსნა. ეს არის რიგით მეხუთე მოედანი“, – განაცხადა ფაჩულიამ.
დღესვე დაგეგმილია ბენია ჩხიკვიშვილის ბიუსტის გახსნა და მისი ბიოგრაფიული ფილმის ჩვენება.