ფინანსთა მინისტრის მოადგილის, მიხეილ დუნდუას განცხადებით ამერიკის სახელმწიფო დეპარტამენტმა საქართველო დაახასიათა, როგორც ერთ-ერთი ყველაზე მიმზიდველი, საინტერესო, პოპულარული მიმართულება ინვესტიციების დაბანდების თვალსაზრისით.
მისი თქმით, სახელმწიფო დეპარტამენტის შეფასებით, საქართველოს აქვს მნიშვნელოვანი წინსვლა და პოზიტიური შეფასება.
„ამერიკის სახელმწიფო დეპარტამენტმა საქართველო დაახასიათა, როგორც ერთ-ერთი ყველაზე მიმზიდველი, საინტერესო, პოპულარული მიმართულება ინვესტიციების დაბანდების თვალსაზრისით. სახელმწიფო დეპარტამენტის შეფასებით, საქართველოს აქვს მნიშვნელოვანი წინსვლა და პოზიტიური შეფასება“, – განაცხადა მიხეილ დუნდუამ.
აშშ-ის სახელმწიფო დეპარტამენტი საქართველოს საინვესტიციო გარემოს შესახებ გამოქვეყნებულ ანგარიშში ყურადღებას ამახვილებს საქართველოს მიმზიდველ საინვესტიციო გარემოზე, ეკონომიკური მდგრადობაზე, გატარებული რეფორმებზე, აგრეთვე პოზიტიურ ეკონომიკურ მაჩვენებლებზე, ეკონომიკის სწრაფ აღდგენაზე პოსტპანდემიურ პერიოდში, ეკონომიკის მხარდამჭერ პოლიტიკასა და მოწინავე პოზიციებზე საერთაშორისო რეიტინგებში. ამასთან, საქართველო აღიარებულია, როგორც რეგიონული სატრანსპორტო ჰაბი, რომელიც აკავშირებს აზიასა და ევროპას. საქართველოს თავისუფალი ვაჭრობის რეჟიმები კომპანიებს უადვილებს წვდომას უცხოურ ბაზრებზე.