სამწუხაროდ, რთულია, წინასწარ განვჭვრიტოთ პრეზიდენტის ქცევა. მთავარია არ არსებობს კითხვის ნიშანი იმასთან დაკავშირებით, რომ სააკაშვილმა ჩაიდინა დანაშაულები, რომლისთვისაც მისჯილი აქვს სასჯელი, – ამის შესახებ პარლამენტის თავმჯდომარემ შალვა პაპუაშვილმა სალომე ზურაბიშვილის მიერ მიხეილ სააკაშვილის შესაძლო შეწყალებაზე საუბრისასა განაცხადა.
„სამწუხაროდ, რთულია, წინასწარ განვჭვრიტოთ პრეზიდენტის ქცევა ამ მხრივ. მთავარია არ არსებობს კითხვის ნიშანი იმასთან დაკავშირებით, რომ სააკაშვილმა ჩაიდინა დანაშაულები, რომლისთვისაც მისჯილი აქვს სასჯელი, რომ მის მიმართ არის სათანადო და უმაღლესი სტანდარტის მოპყრობა, რაც დაადასტურა სტრასბურგის სასამართლომ. როდესაც არ არსებობს კითხვის ნიშნები, აქ მოლოდინი არის ის, რომ მიდგომაც უნდა იყოს სამართლიანი“, – აღნიშნა პაპუაშვილმა.