ბოლო 24 საათში უკრაინაში რუსული ჯარის შეტევა გაძლიერდა, თუმცა არანაირი პროგრესისთვის მათ არ მიუღწევიათ, ვინაიდან უკრაინული მხარე მათ ღირსეულ წინააღმდეგობას უწევს. ინფორმაციას ამის შესახებ დიდი ბრიტანეთის თავდაცვის სამინისტროს დაზვერვა ავრცელებს.
„რუსეთის საჰაერო და საზღვაო ძალებს არცერთი მიმართულებით წინსვლა არ აქვთ. ეს შესაძლებელი გახდა უკრაინის საჰაერო და საზღვაო თავდაცვის ეფექტურობის ხარჯზე. გრძელდება მძიმე ბრძოლები მარიუპოლისთვის, რაც აფერხებს რუსული ჯარის წინსვლას, რომელსაც დონბასის მთელი ტერიტორიის დაკავება სურს“, – აღნიშნულია ინფორმაციაში.