ხელვაჩაურის მუნიციპალიტეტის ტერიტორიაზე ინფრასტრუქტურული სამუშაოები აქტიურ რეჟიმში მიმდინარეობს.
სოფელ მახოში (სიმონეთი) სასმელი წყლის რეზერვუარისა და მაგისტრალის მოწყობის სამუშაოები ხორციელდება. ხელვაჩაურის მუნიციპალიტეტის მერი, ზაზა დიასამიძე მშენებლობის პროცესს ადგილზე გაეცნო.
მუნიციპალიტეტის მერთან ერთად, მერის პირველი მოადგილე კახაბერ ფუტკარაძე, საკრებულოს თავმჯდომარის მოადგილე მალხაზ სალვარიძე და “ინფრასტრუქტურისა და კეთილმოწყობის სამმართველოს ” ხელმძღვანელი მანუჩარ მანველიძე იმყოფებოდნენ.