სტრასბურგის სასამართლომ არ დააკმაყოფილა მიხეილ სააკაშვილის საჩივარი დროებით ღონისძიებასთან დაკავშირებით, რომელიც გულისხმობდა მის გათავისუფლებას პატიმრობიდან დროებით და პოლონეთში სამკურნალოდ გადაყვანას. ამის შესახებ იუსტიციის მინისტრმა რატი ბრეგაძემ დღეს გამართულ ბრიფინგზე განაცხადა.
მისივე თქმით, გადაწყვეტილების მიხედვით, საქართველოს სახელმწიფოს ასევე არ დაევალა არც ქვეყნის შიგნით რომელიმე კლინიკაში გადაყვანა.
კითხვაზე, როდის მოხდება მისი გადასვლა ციხეში, რატი ბრეგაძე ამბობს, რომ როგორც კი ექიმები დადებენ დასკვნას, რომ მისი ჯანმრთელობის მდგომარეობა აკმაყოფილებს პირობებს, მოხდება მისი გადაყვანა პენიტენციურ დაწესებულებაში.