IMG.GE ___________________________________ IMG.GE

„ევროპული საქართველო“ გუშინდელ ლიდერთან გამიჯვნას ცდილობს, – ამის შესახებ ფრაქცია „ქართული ოცნების“ თავმჯდომარემ, რატი იონათამიშვილმა განაცხადა.

„ისინი ცდილობენ, გაემიჯნონ გუშინდელ ლიდერს თუმცა ვფიქრობ, რომ თუ არ მოხდა ბოლომდე პასუხისმგებლობების აღება დანაშაულებებზე, რომლებიც მოხდა, ნიშნავს, შენ აღარ უნდა გქონდეს უფლება პოლიტიკური აქტიურობა გააგრძელო. ამის შემდეგ ან პასუხიმგებლობას იღებენ ნორმალურ ევროპულ ტიპის სახელმწიფოში, თუმცა ცხადია, ისინი აცდენილები არიან ევროპულ სტანდარტს. როდესაც თვითონ ვერ იღებ პასუხიმგებლობას, ამ პასუხიმგებლობას გაღებინებს ხალხი“, – განაცხადა რატი იონათამიშვილმა.

გუშინ მიხეილ სააკაშვილმა, რამდენიმე ტელეკომპანიის ეთერში საკუთარ პოლიტიკურ გეგმებზე ისაუბრა.

მიხეილ სააკაშვილს ვიდეომიმართვისას საქართველოში დაბრუნების თარიღი არ დაუსახელებია, თუმცა აღნიშნა, რომ მზად არის, პრემიერ-მინისტრობა ორი წლით იტვირთოს.

გაერთიანებულმა ოპოზიციამ პრემიერ-მინისტრობის კანდიდატად მიხეილ სააკაშვილი ოფიციალურად დაასახელა.

კომენტარის დატოვება
IMG.GE
გაზიარება