რუსეთის თავდაცვის უწყება: კრეისერი „მოსკოვი“ შტორმის პირობებში ბუქსირების დროს ჩაიძირა

რუსული სამხედრო-საზღვაო ძალები კრეისერი „მოსკოვი“ შტორმის პირობებში ბუქსირების დროს ჩაიძირა. ამის შესახებ რუსეთის თავდაცვის სამინისტროში განაცხადეს.

„საბრძოლო მასალის დეტონაციის შედეგად კორპუსის დაზიანების გამო კრეისერი „მოსკოვის“ დანიშნულების ნავსადგურში ბუქსირებისას გემმა მდგარობა დაკარგა. ზღვაში შტორმის პირობებში გემი ჩაიძირა“, – ნათქვამია რუსეთის თავდაცვის სამინისტროს განცხადებაში.

უკრაინული მხარის მტკიცებით, 13 აპრილს, მათი სამიზნე კრეისერი „მოსკოვი“ გახდა, რომელზეც დარტყმა „ნეპტუნის“ ტიპის რაკეტებით განხორციელდა. დაბომბვის შედეგად ხომალდმა სერიოზული დაზიანებები მიიღო.

პენტაგონის პრესმდივანმა, ჯონ კირბიმ განაცხადა, რომ რუსულ კრეისერ „მოსკოვზე“ აფეთქება მოხდა, თუმცა აღნიშნა, რომ აშშ ამ ეტაპზე ვერ შეაფასებს, ხომალდს რაკეტა მოხვდა თუ არა.