რატი იონათამიშვილი კითხვაზე, უნდა გადადგეს თუ არა თამარ ჟვანია – კონკრეტულ პიროვნებებზე ჯოხის გადატეხა ძალიან უსამართლო იქნება

287
წაკითხვა/ნახვა
რეკლამა -------------------- IMG.GE

კონკრეტულ პიროვნებებზე ჯოხის გადატეხა იქნება ძალიან უსამართლო – ჩვენი მიზანია არა ის, რომ ვილაპარაკოთ კონკრეტულ სახელებსა და გვარებზე, არამედ პრინციპებსა და ფუნდამენტურ ცვლილებებზე,- ამის შესახებ ჟურბალისტებთან საპარლამენტო უმრავლესობის წევრმა რატი იონათამიშვილმა განაცხადა, რითაც უპასუხა კითხვას, უნდა გადადგეს თუ არა ცესკო-ს თავმჯდომარე თამარ ჟვანია.

მისი თქმით, ქვეყანაში ჩატარებული არჩევნები საერთაშორისო პარტნიორებმა პოზიტიურად შეაფასეს და კონკრეტულ სახელებსა და გვარებზე საუბრის საფუძველი არ არსებობს. მისივე თქმით, ხელისუფლების მიზანია, რომ საარჩევნო რეფორმასთან დაკავშირებით წარმართული პროცესი ინკლუზიური იყოს.

“მე მოხარული ვარ, რომ საარჩევნო რეფორმები საერთაშორისო პარტნიორების მხრიდან პოზიტიურად იქნა შეფასებული. ახლა ჩვენი მიზანია, რაც შეიძლება ფართო, ინკლიზიური პროცესი წარიმართოს ამასთან დაკავშირებით, სწორედ ამ მიზანს ემსახურება დღევანდელი შეხვედრა და ის ცვლილებები, რომელიც არის ჩვენს მიერ შეთავაზებული და ეუთო/ოდირის მხრიდან მოწონებული, ვფიქრობ, იქნება გაზიარებული ოპოზიციის მხრიდანაც.

ფაქტობრივად, ოპოზიციამ ძალიან უხერხულ მდგომარეობაში ჩაიყენა თავი, ვინაიდან საკუთარ ამომრჩეველსაც ვერ დაუმტკიცა ის, რომ არჩევნები გაყალბდა. მეორე მხრივ, საერთაშორისო პარტნიორების მხრიდან იყო პოზიტიურად შეფასებული ის, თუ როგორ იყო ორგანიზებული არჩევნები და შეფასებები ფაქტობრივად, ემთხვეოდა ცესკო-ს მონაცემებს. თუ საღად მიუდგები ამ საკითხებს, დღეს არჩევნების გაყალბებაზე საუბარი არის არასერიოზული,”- განაცხადა რატი იონათამიშვილმა.

კომენტარები
რეკლამა
მოწონება