ვგულშემატკივრობთ და მხარს ვუჭერთ საქართველოს ნატოსკენ სწრაფვას, – ამის შესახებ ნატოს საპარლამენტო ასამბლეაში თურქეთის დელეგაციის ხელმძღვანელმა, ოსმან ასკინ ბაკმა განაცხადა.
„ეს ჩვენი ურყევი პოზიციაა, რომელზეც თურქეთი ყველა პლატფორმაზე საუბრობს. ჩვენი მინისტრები მუდმივად საუბრობენ ამაზე ნატოს ძალებთან. საქართველო ჩვენი მეგობარი და მეზობელია და გვაქვს ძალიან კარგი თანამშრომლობა კომერციული, ინდუსტრიული თავდაცვითი თუ ლოჯისტიკური მიმართულებით, ჩვენი სავაჭრო ბრუნვა კიდევ იზრდება. კავკასიის რეგიონიდან საქართველოს გაწევრიანება ძლიერად უნდა იყოს მხარდაჭერილი ყველას მიერ, ასეთია თურქეთია პოზიცია“, – განაცხადა ოსმან ასკინ ბაკმა.