არგუმენტები მათგან [„მოქალაქეებისგან“] არ მოგვისმენია. ჩვენ ეს დეფინიცია მარტივად უნდა განვიხილოთ, არის თუ არა ობიექტური – თუ უკრაინაში ობიექტურია, რა განსხვავებაა მაშინ საქართველოში? – ამის შესახებ პარტია „ქართული ოცნების“ თავმჯდომარემ, ირაკლი კობახიძემ გადაცემაში „იმედი LIVE“ დეოლიგარქიზაციის კანონპროექტზე საუბრისას განაცხადა.
„4 კრიტერიუმია: ერთი, რომ უნდა ჰქონდეს გარკვეული ფინანსური რესურსი, მეორე პოლიტიკაზე ზეგავლენა, მესამე მედიაზე გავლენა და მეოთხე – მონოპოლიური ან გაბატონებული მდგომაროება ბაზრის კონკრეტულ სფეროში. რომელი არ მოსწონთ? არც ერთი არგუმენტი არ არის, ჩვენ მხარეს კი ძალიან მყარი არგუმენტია: ერთი, რომ ეს შეესაბამება ობიექტურ დეფინიციას, რაც უკრაინელებმა შეიმუშავეს და მეორე არის ის, რომ ჩვენ ჩვენს თავზე არ მოგვირგია ეს კანონი – პირდაპირ ავიღეთ და გადმოვიტანეთ საქართველოში. ვერავინ იტყვის, რომ ჩვენ რამე საკუთარ თავს მოვარგეთ. ჩემთვის გასაგებია მათი პოზიცია: ოპოზიციის დიდი ნაწილი შეთანხმდა, რომ მხარს არ უჭერენ ამ კანონს და ისინიც მათ აჰყვნენ“, – განაცხადა კობახიძემ.