სომალის პრეზიდენტის განცხადებით, დანაღმული ავტომობილების აფეთქებას სულ მცირე 100 ადამიანი ემსხვერპლა

სომალის დედაქალაქ მოგადიშოში, განათლების სამინისტროს შენობის წინ, ორი დანაღმული ავტომობილის აფეთქების შედეგად, სულ მცირე 100 ადამიანი დაიღუპა და 300 დაშავდა, – აცხადებს სომალის პრეზიდენტი ჰასან შეიხ მუჰამადი.

„ჩვენი ხალხი დახოცეს… მათ შორის იყვნენ დედები შვილებით ხელში, მამები, რომლებიც ავად იყვნენ, სტუდენტები, რომლებიც განათლების მისაღებად მიდიოდნენ, ბიზნესმენები, რომლებიც თავიანთი ოჯახების წევრების სიცოცხლისთვის იბრძოდნენ“, – თქვა სომალის პრეზიდენტმა.

თავდასხმაზე პასუხისმგებლობა ჯერ არავის აუღია, თუმცა პრეზიდენტი მომხდარში დაჯგუფება „ალ შაბაბს“ ადანაშაულებს.

გაზიარება