ირაკლი კობახიძის თქმით, დეპოლარიზაციის ერთადერთი შანსი არის, ის, რომ „ნაციონალური მოძრაობა“ უნდა ჩანაცვლდეს ჯანსაღი პოლიტიკური პარტიებით. „ქართული ოცნების“ თავმჯდომარემ აღნიშნა, რომ ეს არის დეპოლარიზაციის ერთადერთი რეცეპტი.
„ჩვენ ხელოვნურ პარტიებს ვერ შევქმნით, ეს ჩვენი ხელწერა არ არის. ოპოზიციური ნიშა ნებისმიერ ქვეყანაში არსებობს. ჩვენ არჩევნებში 47-48 პროცენტს რომ ვიღებთ, ეს არის იმის დამსახურება, რომ მეორე მხარეს არის სრულიად არაჯანსაღი პოლიტიკური ძალა. ჩვენთან ჯანსაღი პოლიტიკური პარტიებით დაკომპლექტებული სისტემა რომ იყოს, ჩვენ ნაკლებ პროცენტს ავიღებდით, როგორც ეს ნებისმიერ განვითარებულ ქვეყანაში ხდება“, – განაცხადა ირაკლი კობახიძემ გადაცემაში „იმედი LIVE“.