ნაცმოძრაობა და მისი სატელიტები ჭანჭიკის როლში არიან – მათ ქმედებას რაიმე გადამწყვეტი როლის შესრულება არ შეუძლია საბოლოო ჯამში. მთავარია, ევროკავშირმა მიიღოს ის პოლიტიკური გადაწყვეტილება, რომელიც ჩვენი ქვეყნის ინტერესებშია – ეს არის კანდიდატის სტატუსის მინიჭება საქართველოსთვის, – ამის შესახებ ,,ქართული ოცნების’’ თავმჯდომარემ ირაკლი კობახიძემ ,,იმედი LIVE”-ში განაცხადა.
„ამის შესაძლებლობა ჰქონდა რა თქმა უნდა ევროკავშირს, ევროპულ საბჭოს წინა შემთხვევაშიც. ასე არ მოხდა. ეს უკვე წარსულია. ჩვენ კონცენტრირებულები ვართ 12 პუნქტის შესრულებაზე და იმედი გვაქვს, რომ მომავალი წლის ოქტომბერში იქნება სამართლიანი, ობიექტური გადაწყვეტილება“, – აღნიშნა კობახიძემ.