დიდი ბრიტანეთის თავდაცვის მინისტრმა, ბენ უოლესმა განაცხადა, რომ უკრაინაში რუსული არმიის წარუმატებლობის სერიის გამო, რუსეთის პრეზიდენტი, ვლადიმირ პუტინი იმის გააზრებას იწყებს, რომ რუსეთი აღარ არის ზესახელმწიფო.
„მან [პუტინმა] ახლახან აღმოაჩინა, რომ [რუსეთი] არ არის ზესახელმწიფო. ეს არის საკვანძო მომენტი. მიიჩნევდნენ, რომ უვნებელნი არიან, თუმცა სინამდვილეში ასე არ აღმოჩნდა“, – აღნიშნა დიდი ბრიტანეთის თავდაცვის მინისტრმა.
ბენ უოლესი მიიჩნევს, რომ რუსული ძალები უკრაინაში თავიანთი სამხედრო შესაძლებლობებისა და ხელმძღვანელობის მცდარი სტრატეგიული ვარაუდების გამო აგებენ.
„ყოველ ჯერზე ისინი [რუსები] უკრაინას სათანადოდ არ აფასებდნენ. პუტინის სტრატეგიული ვარაუდები, როგორც ჩანს, ყველაფერში მცდარია“, – განაცხადა მან.