სომხეთის რესპუბლიკაში ვიზიტის ფარგლებში, კოლეგებთან ერთად, ყოველთა სომეხთა კათალიკოს გარეგინ მეორეს შევხვდი, – ამის შესახებ საქართველოს პარლამენტის თავმჯდომარე, შალვა პაპუაშვილი სოციალურ ქსელში წერს.
მისი თქმით, მნიშვნელოვანია სამხრეთ კავკასიაში მშვიდობიანი თანამშრომლობა და თანაცხოვრება.
„ვისაუბრეთ ქართველ და სომეხ ერებს შორის არსებულ მრავალსაუკუნოვან ისტორიულ კავშირზე, ასევე 2021 წლის დეკემბერში საქართველოსა და სომხეთს შორის ეკონომიკური თანამშრომლობის მთავრობათაშორისი კომისიის ფარგლებში მიღწეულ შეთანხმებაზე, რომელიც კულტურის სფეროში 2022-2024 წლებში თანამშრომლობის პროგრამის ხელმოწერას ითვალისწინებს.
მნიშვნელოვანია სამხრეთ კავკასიაში მშვიდობიანი თანამშრომლობა და თანაცხოვრება. საქართველოს ხელისუფლება კი თავის მხრივ მზადაა რეგიონული დიალოგის ხელშეწყობა გააგრძელოს“, – წერს შალვა პაპუაშვილი სოციალურ ქსელში.