ოპოზიციის მხრიდან გაკეთებული განცხადებები ხშირ შემთხვევაში არის პოპულისტური ხასიათის. ოპოზიციის იმ ნაწილმა, რომელიც ამ პროცესს ხელოვნურად გაეთიშა, ძალიან კარგად გააცნობიერა, რომ ჯგუფმა მათ გარეშეც იმუშავა და ქვეყნისთვის ძალიან მნიშვნელოვანი ცვლილებები შეიმუშავა, – ამის შესახებ საპარლამენტო უმრავლესობის წევრმა, გივი მიქანაძემ განაცხადა.
„ჩვენ გვქონდა დეტალური მსჯელობა და მხოლოდ არგუმენტირებული პოზიციების საფუძველზე ვიღებდით გადაწყვეტილებას, თუ რომელი ცვლილება ასახული. დოკუმენტი რომელიც გაიგზავნა, არის ორიენტირებული თვისობრივად ახალი, უმაღლესი სტანდარტების საარჩევნო სისტემის ჩამოყალიბებაზე, რომელიც ევროკავშირის რიგ წევრ ქვეყნებშიც კი არ არის ჩამოყალიბებული და, რომელსაც საქართველო გადაჰყავს საარჩევნო სისტემის სრულიად ახალ ფორმატში“, – აცხადებს მიქანაძე.
პარლამენტის თავმჯდომარემ ეუთო/ოდირს და ვენეციის კომისიას საარჩევნო კოდექსში შესატან ცვლილებებზე ერთობლივი დაჩქარებული მოსაზრების შემუშავების თხოვნით მიმართა.