ჩვენ ახლა, საზოგადოებრივი ტრანსპორტის იმ მეორე ეტაპზე ვართ, რომელიც გულისხმობს საზოგადოებრივი ტრანსპორტის აჩქარებას, მოლოდინის დროების შემცირებასა და ასევე გადაჭედილი ავტობუსების შემსუბუქებას მოქალაქეებისთვის და მეორე მხრივ ჩვენ იმ პროცესს, რაც გულისხმობს ინფრასტრუქტურულ პროექტებს, – ამის შესახებ ტრანსპორტისა და ურბანული განვითარების სააგენტოს ხელმძღვანელმა, ვიქტორ წილოსანმა „ქრონიკაში“ განაცხადა.
„ახლა ეს ორი პროექტი მიმდინარეობს ქალაქში და ამიტომ ეს რეფორმა გახდა გაცილებით უფრო მტკივნეული, ვიდრე შეიძლებოდა ყოფილიყო, მაგრამ მუნიციპალიტეტი ორი მიმართულებით ატარებს უმნიშვნელოვანეს რეფორმას, რომელიც ქალაქისთვის არის სასიცოცხლოდ მნიშვნელოვანი.
დღეის მდგომარეობით ქალაქში, საცობების მხრივ გვაქვს 20 პრობლემური კვანძი და აქედან 7 მოდის ინფრასტრუქტურულ პროექტებზე. ამის გამო დაახლოებით 1 600 ბრუნი მხოლოდ ავტობუსების მიმართულებით ვერ სრულდება“, – განაცხადა ვიქტორ წილოსანმა.