„მოქალაქეების“ ლიდერი, დეპუტატი ალეკო ელისაშვილი ეხმაურება ევროსასამართლოს გადაწყვეტილებას, რომლის თანახმადაც 2019 წლის ნოემბერში, პარლამენტის შენობასთან გამართული დემონსტრაციის დროს საქართველოს ხელისუფლებამ დემონსტრაციის მონაწილეების მიმართ საკმარისი ტოლერანტობა გამოიჩინა.
„კანონი ყველა შემთხვევაში უნდა იყოს დაცული, თუმცა სახელმწიფო შენობების ბლოკირების ცოდვა მეც მაქვს არაერთხელ. მიმაჩნია, რომ თუ საჭირო გახდა, კიდევ გავიმეორებ, იმიტომ რომ ხშირად გამოხატვის თავისუფლება და პროტესტის უფლება გაცილებით უფრო მნიშვნელოვანი არის ხოლმე“, – აცხადებს ელისაშვილი.
ადამიანის უფლებათა ევროპული სასამართლოს გადაწყვეტილებით, 2019 წლის ნოემბერში, პარლამენტის შენობასთან გამართული დემონსტრაციის დროს საქართველოს ხელისუფლებამ საკმარისი ტოლერანტობა გამოიჩინა დემონსტრაციის მონაწილეების მიმართ.