თურქეთი ყოველთვის დაუჭერს მხარს აზერბაიჯანს, ძმური ქვეყანა არასდროს დარჩება მარტო, – განაცხადა თურქეთის საგარეო საქმეთა მინისტრმა, მევლუთ ჩავუშოღლუმ.
თურქეთის საგარეო უწყების ხელმძღვანელმა გააკრიტიკა ეუთოს მინსკის ჯგუფის თანათავმჯდომარეები, რომლებმაც „აზერბაიჯანის მიწების 30 წლის ოკუპაციის განმავლობაში ვერაფერი გააკეთეს აზერბაიჯანის სამართლიანი პოზიციის მხარდასაჭერად“.
„აზერბაიჯანის მოთმინება საბოლოოდ ამოიწურა და სომხეთის პროვოკაციების საპასუხოდ, დაიწყო ომი, რომელიც დასრულდა ოკუპირებული ტერიტორიების გათავისუფლებით“, – აღნიშნა მევლუთ ჩავუშოღლუმ.
მისი თქმით, დღეს მშვიდობისთვის ყველა პირობაა შექმნილი, თუმცა სომხეთს პროვოკაციების გზა ურჩევნია.