პარლამენტის იურიდიულ საკითხთა კომიტეტის თავმჯდომარე უკრაინის საკანონმდებლო ორგანოს თავდაცვის, უსაფრთხოებისა და დაზვერვის კომიტეტის წევრის განცხადებას გამოეხმაურა. ანრი ოხანაშვილის შეფასებით, ფიოდორ ვენისლავსკის განცხადება არამეგობრულია.
„ძალიან სამწუხაროა ასეთი არამეგობრული განცხადება, რომელიც პირდაპირ არის სხვა სახელმწიფოს საქმეში უხეში ჩარევა“, – აცხადებს ოხანაშვილი.
უკრაინის საკანონმდებლო ორგანოს თავდაცვის, უსაფრთხოებისა და დაზვერვის კომიტეტის წევრი, ფიოდორ ვენისლავსკი ამბობს, რომ ფრონტის ხაზზე უკრაინის წარმატება საქართველოსთვის შანსია და ქართველ ხალხს ახლა აქვს უნიკალური შესაძლებლობა, აიძულოს ხელისუფლებას გადადგას კონკრეტული ნაბიჯები აფხაზეთისა და ცხინვალის დეოკუპაციის მიმართულებით.