საპარლამენტო უმრავლესობის წევრის, ალუდა ღუდუშაურის თქმით, „გირჩის“ ლიდერმა, ზურაბ ჯაფარიძემ საქართველოს მოსახლეობას თავი დაამახსოვრა ოკუპანტებისთვის უკანალის ჩვენებით.
მისი თქმით, სწორედ ეს ადამიანი ჰპირდება მოსახლეობას რაღაც რევოლუციურ სცენარებს.
„ადამიანი [ზურაბ ჯაფარიძე], რომელმაც ქვეყნის მოსახლეობას, ქართველ ხალხს, ამ მართლაც ღირსებით სავსე ქვეყნის მოსახლეობას თავი დაამახსოვრა ერთადერთი რამით, რომ შარვალჩახდილმა უკანალი მიუშვირა ოკუპანტებს, ეს ადამიანი ქვეყნის მოსახლეობას ჰპირდება რაღაც რევოლუციურ სცენარებს. მინდა ხაზგასმით ვთქვა, ქართველი ხალხი ბრძენია და კარგად ხედავს იმას, თუ როგორ მშვიდობიანად ვითარდება ქვეყანა“, – განაცხადა ალუდა ღუდუშაურმა.