არაძალადობრივი პროტესტი დემოკრატიის გამოხატვის ძალიან მნიშვნელოვანი ფორმაა, რაც შეეხება ობსტრუქციასა და ძალადობას, ჩვენ ამას ვემიჯნებით,- ამის შესახებ პარტია „ნაციონალური მოძრაობის“ წევრმა ხატია დეკანოიძემ განაცხადა.
„არაძალადობრივი პროტესტი არის დემოკრატიის გამოხატვის ძალიან მნიშვნელოვანი ფორმა. შესაბამისად, ჩვენ რა თქმა უნდა არა ერთ არაძალადობრივ პროტესტში მიგვიღია მონაწილეობა, დაგვიორგანიზებია კიდეც და ყველა არაძალადობრივ პროტესტს შევუერთდებით. რაც შეეხება ობსტრუქციას, ძალადობას და ა.შ. ჩვენ ვემიჯნებით ძალადობას“,- აღნიშნა ხატია დეკანოიძემ.
„გირჩი-მეტი თავისუფლებისთვის“ ლიდერის ზურაბ ჯაფარიძის განცხადებით, მის „ტელეგრამზე“ 379 ადამიანი დარეგისტრირდა, რომლებიც მზად არიან ქუჩაში პროტესტზე, ხელის შეშლაზე, დაუმორჩილებლობაზე, საბოტაჟზე. ჯაფარიძის თქმით, მისი ამოცანაა, ამ ადამიანების რაოდენობა გაზარდოს.