საპარლამენტო უმრავლესობის ლიდერმა, „ქართული ოცნების“ თავმჯდომარემ ირაკლი კობახიძემ პარტიის ოფისში გამართულ ბრიფინგზე ილია დარჩიაშვილს საგარეო საქმეთა მინისტრის თანამდებობაზე დანიშვნა მიულოცა.
„მინდა მივულოცო ილია დარჩიაშვილს ძალიან საპასუხისმგებლო თანამდებობაზე დანიშვნა. ის არის ნამდვილად გამორჩეული პროფესიონალი, ძალიან კეთილსინდისიერი ადამიანი. არის საქმის მცოდნე და აქვს დიპლომატიური სერიოზული გამოცდილება, ელჩის პოზიციაზე მუშაობდა წლების განმავლობაში. ასევე საჯარო სამსახურში აქვს მუშაობის მრავალწლიანი გამოცდილება და მართლაც გამორჩეული პროფესიონალი და კეთილსინდისიერი ადამიანია. მე დარწმუნებული ვარ, რომ ის იქნება ძალიან კარგი საგარეო საქმეთა მინისტრი“, – განაცხადა ირაკლი კობახიძემ.
დავით ზალკალიანი აშშ-ში საქართველოს ელჩად დაინიშნა. მას საგარეო უწყების ხელმძღვანელის პოსტზე ილია დარჩიაშვილი შეცვლის.