დიმიტრი ხუნდაძე: ბატონი ბიძინას დამოკიდებულება არის ის, რომ პირადი პრობლემებით არ მანიპულირებს ქვეყნისა და საზოგადოების ინტერესებზე

ბატონი ბიძინას დამოკიდებულება არის ის, რასაც საზოგადოება მიჩვეულია, რომ პირადი პრობლემებით არ მანიპულირებს ქვეყნისა და საზოგადოების ინტერესებზე, – ამის შესახებ დამოუკიდებელმა დეპუტატმა დიმიტრი ხუნდაძემ ჟურნალისტებთან განაცხადა ბიძინა ივანიშვილის წერილის შეფასებისას.

„ბანკის ქმედებაც ამ საერთო სცენარის შემადგენელი ნაწილია. მაგრამ, ბატონი ბიძინას დამოკიდებულება არის ის, რასაც საზოგადოება მიჩვეულია, რომ პირადი პრობლემებით არ მანიპულირებს ქვეყნისა და საზოგადოების ინტერესებზე და მან დაიტოვა ის, რომ ეს არის მისი პრობლემა და ამით საზოგადოებას არ შეაწუხებს“, – აღნიშნა ხუნდაძემ.

საქართველოს ყოფილმა პრემიერ-მინისტრმა, „ქართული ოცნების“ დამფუძნებელმა ბიძინა ივანიშვილმა დღეს, 27 ივლისს, წერილი გაავრცელა.