რევოლუციის მცდელობების ამ ფონზე, ნაცმოძრაობა და რადიკალური ოპოზიცია არც არასდროს გეგმავდა, არც გეგმავს და მომავალშიც არ იქნება მისი სტრატეგია დაკავშირებული დეპოლარიზაციასთან, – ამის შესახებ პარლამენტის ვიცე-სპიკერმა გიორგი ვოლსკიმ „ქრონიკაში“ განუცხადა.
„მათ ჩაუფლავდათ ერთი, მეორე მცდელობა, რომ დესტაბილიზაცია მოეხდინათ. აქედან გამომდინარე, მათთვის რთული იქნებოდა გადავიდნენ იმ რეჟიმზე, რასაც ჰქვია თანამშრომლობის რეჟიმი ანუ დეპოლარიზაციის რეჟიმზე. საზოგადოებამ შეაფასოს, რომელ ევროპულ ინტეგრაციაზე საუბრობს რადიკალური ოპოზიცია გინდა წარსულიდან გამომდინარე და გინდა, დღევანდელი დღიდან გამომდინარე, როდესაც საომარ მოქმედებებში საქართველოს ჩათრევა იმდენად აშკარა იყო, რომ აქ საკამათოც არაფერია. ის თემა, რასაც ჰქვია ნაცმოძრაობის ინტერესი, არ უკავშირდება ევროინტეგრაციას“, – განაცხადა ვოლსკიმ.