ჯობია, რომ პარლამენტის წევრებმა, მთავრობის წევრებმა და პრეზიდენტმა ჩვენ ჩვენი ფუნქცია შევასრულოთ და დეპოლარიზაციისთვის ხელის შეწყობის საფუძველი სწორედ ეს იქნება, – ამის შესახებ საპარლამენტო უმრავლესობის წევრმა, გურამ მაჭარაშვილმა განაცხადა.
„სამწუხაროდ, ბოლო დროის პრეზიდენტის გამოსვლები პირიქით, პოლარიზების საფუძველი ხდება და როგორ შეიძლება ასეთი ტიპის ადამიანი გახდეს დეპოლარიზაციის პროცესში შუამავალი. სჯობს, თავიდანვე ვიცოდეთ ჩვენი კონსტიტუციური უფლებები – სად რა უფლებები გაგვაჩნია და ეს იქნება დეპოლარიზაციის ხელისშემწყობი.
[რადიკალური ოპოზიცია] თავიდან არ შემოდიოდიოდა პარლამენტში, მერე დაგვიჯერეს, შემოვიდნენ; ხელს არ აწერდნენ შეთანხმებას, გვიან, მაგრამ მაინც მოაწერეს; ქუჩაში გადიოდნენ, ისევ შემოვიდნენ; ახლა არ აპირებდნენ სამუშაო ჯგუფში მუშაობას, ახლა ისევ აპირებენ. ამიტომ ჯობია, რომ თავიდანვე დაგვიჯერონ ხოლმე. ეს იმის მტკიცებულებებია, რომ რასაც ჩვენ ვამბობთ პირველ რიგში ქვეყნისთვის და შემდეგ მათთვისაცაა სასიკეთო“, – აღნიშნავს მაჭარაშვილი.