ირაკლი კობახიძე: შეგვიძლია მეგობრებს, ევროპარლამენტარებს გავუზიაროთ დეტალური ინფორმაცია იმასთან დაკავშირებით, თუ რაში გამოიხატებოდა ის უარყოფითი როლი, რომელიც ყოფილმა ელჩმა ევროკავშირსა და საქართველოს ურთიერთობებში შეასრულა

დღევანელ შეხვედრაზე [ევროპარლამენტარებთან] ევროკავშირის ელჩის საკითხსაც შევეხეთ და ჩვენ განვმარტეთ თუ რას ვგულისხმობდით იმაში, რომ კარლ ჰარცელმა მხოლოდ ნეგატიური როლი შეასრულა ევროკავშირსა და საქართველოს შორის განვითარებულ ურთიერთობებში, – განაცხადა „ქართული ოცნების“ თავმჯდომარემ, ირაკლი კობახიძემ

„ეს არის ფაქტი და შეგვიძლია ჩვენს მეგობრებს დეტალური ინფორმაცია მივაწოდოთ. საჯაროდ რაღაცების საუბრისგან კვლავაც თავს ვიკავებთ, მაგრამ შეგვიძლია მეგობრებს, ევროპარლამენტარებს გავუზიაროთ დეტალური ინფორმაცია იმასთან დაკავშირებით თუ რაში გამოიხატებოდა ეს უარყოფითი როლი, რომელიც ყოფილმა ელჩმა შეასრულა ევროკავშირთან საქართველოს ურთიერთობებში და ჩვენ კიდევ ერთხელ გამოვთქვით იმედი, რომ მომავალი ელჩი იმოქმედებს სხვაგვარად“, – აღნიშნავს კობახიძე.