თბილისის საკრებულოს ფრაქციის „ქართული ოცნება დემოკრატიული საქართველო“ თავმჯდომარე ოთარ გრიგოლია აცხადებს, რომ სულ მალე მოვა დრო როდესაც საქართველო ევროპული ოჯახის სრულუფლებიანი წევრი გახდება და ამ პროცესში ოპოზიციის მონაწილეობა ნულის ტოლი იქნება.
განცხადება ამის შესახებ ოთარ გრიგოლიამ საკრებულოს დღევანდელ სხდომაზე გააკეთა.
„მთელი ამ რვა წლის განმავლობაში ერთადერთი შანსი გაგიჩნდათ პასუხისმგებლობა გამოგეჩინათ, თუმცა ეს შანსიც წყალს გაატანეთ და საკრებულოს სხდომის ჩაშლას ხელი შეუწყვეთ. სამწუხაროდ თქვენ რადიკალური პოლარიზაციის გზა გაქვთ არჩეული და თითოეული თქვენი ქმედება ამის დასტურია. პირველივე შესაძლებლობა მოგეცათ თანამშრომლობის და ამაზე უარი თქვით. თქვენი საუბრები ევროპულ გზაზე კი სასაცილო და კარიკატურულია. მოვა ის დრო, როდესაც ეს ქვეყანა ევროპული ოჯახის წევრი გახდება და ამ პროცესში თქვენი მონაწილეობა იქნება ნული“, – განაცხადა ოთარ გრიგოლიამ.