პრემიერ-მინისტრის ინიციატივით, მთის კვირეული დაიწყო.
დღეიდან მაღალ მთიან რეგიონებში ტურისტებს სხვადასხვა საინტერესო ღონისძიება ელით. წელს პირველად, თუშეთში ხინკლის დღეები გაიმართება.
პრემიერ-მინისტრი ირაკლი ღარიბაშვილი მთის კვირეულის ფარგლებში თუშეთს ესტუმრება და ომალოში საზეიმო ღონისძიებებს დაესწრება.
ფესტივალის ფარგლებში სხვადასხვა გასართობი და შემეცნებითი ღონისძიებები თუშეთში 12:00 საათიდან დაიწყება. ადგილზე კარვებიცაა მოწყობილი, სადაც იქ მისულ დამსვენებლებს ღამის გათევის საშუალებაც ექნებათ.
ფესტივალის დღეები თუშეთიდან და ყაზბეგიდან დაიწყება და 23 ივლისს მესტიასა და შოვში გამართული ღონისძიებებით დასრულდება.