იუსტიციის მინისტრი პაატა სალია ქვემო ფონიჭალაში მომხდარი ტრაგედიისა და ადამიანების გარდაცვალების გამო მწუხარებას გამოთქვამს.
“ვიზიარებ ფონიჭალაში მომხდარი ტრაგედიის შედეგად გარდაცვლილთა ოჯახების მწუხარებას. განსაკუთრებით მძიმე და მტკივნეულია იმის გააზრება, რომ გარდაცვლილთა შორის არიან ბავშვებიც. ეს არის დანაკარგი, რომლის წინაშეც სიტყვები უძლურია.
ვუსამძიმრებ სრულიად საქართველოს. დაშავებულებს კი მალე გამოჯანმრთელებას ვუსურვებ.”- ნათქვამია პაატა სალიას სამძიმრის წერილში.
