Skip to content
19/11/2026
  • კონტაქტი
  • ჩვენ შესახებ
მარშალპრესი

მარშალპრესი

ახალი ამბების სააგენტო

banner
Primary Menu
  • პოლიტიკა
  • საზოგადოება
  • მედია
  • სამართალი
  • შემთხვევა
  • უცხოეთი
  • რეგიონები
  • ინფრასტრუქტურა
  • ბოლო სიახლე
  • პოლიტიკა

გია აბაშიძე: დაკვირვებული თვალი რამდენიმე კვირის წინაც შეამჩნევდა, რომ დიტო ჩუბინიძისა და „ასავალ – დასავალის“, კახა კახიშვილისა და ირაკლი ღარიბაშვილის დამცველთა რიგებში ჩამდგარი სხვა სუბიექტების შემდეგ, ამ მიმართულებით განსაკუთრებული აქტიურობა ყველასთვის კარგად ნაცნობმა, ბევრჯერ გაყიდულმა და გადაყიდულმა კახა კუკავამაც დაიწყო

მარშალ პრესი 19/11/2026
gia abashidze

ანალიტიკოსი გია აბაშიძე სოციალურ ქსელში ირაკლი ღარიბაშვილის მხარდამჭერთა გააქტიურებას ეხმიანება და აცხადებს, რომ ყოფილი პრემიერის დაცვა კახა კუკავამაც დაიწყო, რომლისთვისაც, მთავარი ფინანსური სარგებელია.

ანალიტიკოსი აღნიშნავს, რომ ღარიბაშვილს, რომელსაც სახლიდან მილიონები ამოუღეს და რომელმაც ფინანსური დანაშაული აღიარა, კიდევ ბევრი აქვს გადამალული. მისი თქმით, სხვაგვარად, ყველასთვის ისედაც ცხადია, რომ კუკავა მას უფასოდ არ დაიცავდა და „ქართულ ოცნებას“ ტალახს არ ესროდა.

„ოდნავ დაკვირვებული თვალი რამდენიმე კვირის წინაც შეამჩნევდა, რომ დიტო ჩუბინიძისა და „ასავალ-დასავალის“, კახა კახიშვილისა და ირაკლი ღარიბაშვილის დამცველთა რიგებში ჩამდგარი სხვა სუბიექტების შემდეგ, ამ მიმართულებით განსაკუთრებული აქტიურობა ყველასთვის კარგად ნაცნობმა, ბევრჯერ გაყიდულმა და გადაყიდულმა კახა კუკავამაც დაიწყო.
თუკი, მაგალითად, კახიშვილის შემთხვევაში ვინმემ შეიძლება იფიქროს, რომ ღარიბაშვილის მთავრობაში მუშაობის გამო მას ყოფილი პრემიერის წინაშე გარკვეული ვალდებულებები გააჩნია, კუკავას მხოლოდ „ფულის ენა“ ესმის. მისთვის არ არსებობს ისეთი უსინდისობა, რომელსაც ხელს არ მოაწერს — უბრალოდ, სხვადასხვა სიბინძურის ჩადენას სხვადასხვა ფასი აქვს.
ჰოდა, როგორც ჩანს, ღარიბაშვილს, რომელსაც სახლიდან მილიონები ამოუღეს და რომელმაც ფინანსური დანაშაული აღიარა, კიდევ ბევრი აქვს გადამალული. სხვაგვარად, ყველასთვის ისედაც ცხადია, რომ კუკავა მას უფასოდ არ დაიცავდა და „ქართულ ოცნებას“ ტალახს არ ესროდა.

ახალგაზრდებს რომ კარგად ესმოდეთ, წარმოიდგინეთ: ფულის სანაცვლოდ ყველაფრის მკადრებელ ქართველ პოლიტიკოსებში კუკავას კალიბრის მხოლოდ შალვა ნათელაშვილია. დაველოდოთ, იქნებ ღარიბაშვილმა ეს მაგალითი რჩევადაც მიიღოს და ცოტა ხანში შალვა ნათელაშვილიც აალაპარაკოს საკუთარ სისპეტაკეზე.“ – წერს აბაშიძე.

Post navigation

Previous: ირაკლი ლატარია: ერთად ისეთი ადამიანები შეიკრიბნენ, საბოლოოდ არ უნდა გაგვიკვირდეს, რომ ყოფილი პრემიერის დამცველთა რიგში შალვა ნათელაშვილი – კუკავას „ძვირიანი ანარეკლიც“ ჩაეწეროს, მთავარია, ღარიბაშვილს არ დაენანოს და ფული გადაიხადოს, თორემ ნათელაშვილი რომ უარს არ იტყვის, ეგ ისედაც ყველამ იცის
Next: რუსუდან კოხოძე: პირადობის ელექტრონული მოწმობის აღებისას გარკვეული კატეგორიის პირები სრულად თავისუფლდებიან გადასახადისგან
f გამოგვყევი Facebook-ზე ↗

  • კონტაქტი
  • ჩვენ შესახებ
  • კონტაქტი
  • ჩვენ შესახებ
2015-2026 | MARSHALPRESS - მარშალპრესი.