Skip to content
19/11/2026
  • კონტაქტი
  • ჩვენ შესახებ
მარშალპრესი

მარშალპრესი

ახალი ამბების სააგენტო

banner
Primary Menu
  • პოლიტიკა
  • საზოგადოება
  • მედია
  • სამართალი
  • შემთხვევა
  • უცხოეთი
  • რეგიონები
  • ინფრასტრუქტურა
  • ბოლო სიახლე
  • საზოგადოება

სულხან თამაზაშვილი: ფონიჭალაში აფეთქების ადგილზე ყველა შესაბამისი სამსახური მობილიზებულია, სამაშველო სამუშაოები აქტიურად გრძელდება

მარშალ პრესი 19/11/2026
sulkhan tamazashvili

შინაგან საქმეთა მინისტრის, სულხან თამაზაშვილის განცხადებით, ფონიჭალაში, აფეთქების ადგილზე, მობილიზებულია როგორც შინაგან საქმეთა სამინისტროს შესაბამისი დანაყოფები, ასევე მუნიციპალური სამსახურები და აქტიურ რეჟიმში გრძელდება სამძებრო-სამაშველო ღონისძიებები.შინაგან საქმეთა მინისტრი ფონიჭალაში საგანგებო სიტუაციების მართვის სამსახურის თანამშრომლებისა და საპოლიციო დანაყოფების წარმომადგენლების მუშაობას ადგილზე პირადად ეცნობა.„ადგილზე მობილიზებულია შინაგან საქმეთა სამინისტროს ყველა შესაბამისი დანაყოფი, კომპეტენციის ფარგლებში, ასევე მუნიციპალური სამსახურები.

პროაქტიულად მიმდინარეობს სამძებრო-სამაშველო ღონისძიებები. ოთხი პირი გამოყვანილია ნანგრევებიდან და გადაყვანილია სამედიცინო დაწესებულებებში. მათგან ერთის მდგომარეობა, სამწუხაროდ, მძიმეა. სამედიცინო დაწესებულებებში გადაყვანილი ყველა პირი კონტაქტური იყო და ამ დრომდე კონტაქტურები არიან. ასევე, სამაშველო ღონისძიებების ფარგლებში მიმდინარეობს შვიდი პირის ადგილსამყოფლის დადგენა, მათ შორის სამი მცირეწლოვანი ბავშვია. შემთხვევის ადგილიდან ევაკუირებულია მოსახლეობა და ვაგრძელებთ აქტიურად სამაშველო ღონისძიებებს“, – განაცხადა შინაგან საქმეთა მინისტრმა.როგორც სულხან თამაზაშვილმა აღნიშნა, დაშავებულებს შორის ერთი არასრულწლოვანია, რომელსაც ყურის მიდამოში აქვს დაზიანება, თუმცა ისკონტაქტურია.სულხან თამაზაშვილის თქმით, არსებობს კორპუსის ნგრევის რეალური საფრთხე. დაახლოებით ნახევარი საათის წინ კორპუსის საყრდენი კედელი გადმოიხარა, რის გამოც შენობის წინა მხრიდან სამაშველო ღონისძიებები შეჩერდა, თუმცა უკანა პერიმეტრზე შესაბამისი სამუშაოები აქტიურად გრძელდება.რაც შეეხება აფეთქების გამომწვევ მიზეზს, შინაგან საქმეთა მინისტრის განმარტებით, აფეთქების მიზეზი და უშუალო კერა იდენტიფიცირებულია.„მიზეზი გამათბობელია. მოქალაქე, რომელიც მე-5 სართულზე ცხოვრობდა, ცდილობდა გამათბობლის ჩართვას ღამით. ის კონტაქტურია და თავად გვიყვება ამბავს, რომ ღამე ჩართო, შემდეგ გამორთო, დილით კვლავ სცადა ჩართვა და მოხდა აფეთქება“, – განუცხადა მედიას სულხან თამაზაშვილმა.

Post navigation

Previous: თორნიკე ჭეიშვილი: 2004–2012 წლებში ჩადენილი დანაშაულებისთვის მხილებულია 558 საჯარო მოხელე, გამამტყუნებელი განაჩენი კი დადგა მიხეილ სააკაშვილის, ზურაბ ადეიშვილის, ვანო მერაბიშვილის, ბაჩო ახალაიას და სხვა პირთათვის
Next: ვლადიმერ პუტინი ტრამპს და სი ძინპინს: ჩვენს სამ ქვეყანას აერთიანებს არა მხოლოდ მეორე მსოფლიო ომში გამარჯვებულების სტატუსი, არამედ მთავარია საერთო პასუხისმგებლობა საერთაშორისო მშვიდობისა და უსაფრთხოების მხარდაჭერის საქმეში
f გამოგვყევი Facebook-ზე ↗

  • კონტაქტი
  • ჩვენ შესახებ
  • კონტაქტი
  • ჩვენ შესახებ
2015-2026 | MARSHALPRESS - მარშალპრესი.