“ქართული ოცნების” ახალგაზრდული ორგანიზაცია მედიაში გავრცელებულ ინფორმაციას უარყოფს, Როგორც “რუსთავი 2-ს” ორგანიზაციაში განუცხადეს, დაჩი ტვილდიანი ახალგაზრდული ორგანიზაციის წევრი არასდროს ყოფილა.
“უკვე მეორე დღეა, კონკრეტული მედიასაშუალების მხრიდან ვრცელდება დეზინფორმაცია, თითქოს თბილისში მომხდარი ინციდენტის მონაწილე დაჩი ტვილდიანი “ქართული ოცნების” ახალგაზრდული ფრთის წარმომდგენელია.
დაჩი ტვილდიანი არ არის და არასოდეს ყოფილა “ქართული ოცნების” ახალგაზრდული ორგანიზაციის წევრი, დეზინფორმაციის გამავრცელებელ მედიას კი მოვუწოდებთ, რომ მსგავსი სიცრუის ტირაჟირებამდე ინფორმაციის გადმოწმების მარტივ ჟურნალისტურ სტანდარტს მიმართოს. ” – განაცხადეს ქართული ოცნების ახალგაზრდულ ორგანიზაციაში.